NAHODHA wa timu ya taifa ya England, Harry Kane amebebeshwa mzigo wa lawama kwa kushindwa kuonyesha uwezo mkubwa katika mchezo wa Euro 202...
NAHODHA wa timu ya taifa ya England, Harry Kane amebebeshwa mzigo wa lawama kwa kushindwa kuonyesha uwezo mkubwa katika mchezo wa Euro 2020 wakati akiwa na timu ya taifa ya Engand ilipopambana na timu ya taifa ya Croatia.
Kwenye mchezo huo uliochezwa Uwanja wa Wembely dakika 90 zilikamilika na ubao huo ukisoma England 0-0 Croatia ambazo zote zipo katika kundi D linaloongozwa na Czech Republic yenye pointi 4 na mabao matatu huku England ikiwa nafasi ya pili na pointi 4 imetupia bao moja.
Croatia ipo nafasi ya tatu na pointi moja sawa na Scotland iliyo nafasi ya nne zote zikiwa zimecheza mechi mbilimbili.
Mchambuzi wa masuala ya michezo, Roy Keane ameiambia ITV kwamba Harry Kane alionekana akiwa amekosa spidi na nguvu ya kupambana kwa ajili ya timu yake ya taifa ya England jambo ambalo limemfanya ashindwe kuonyesha ushindani kwenye mchezo huo.
Katika mchezo huo rekodi zinaonyesha kuwa Kane aligusa mpira mara 19 ikiwa ni idadi ndogo kuweza kufanya kwake akiwa na timu ya taifa na licha ya kwamba ni mshambuliaji alishindwa kupiga hata shuti moja ambalo lililenga lango la wapinzani.
"Harry Kane anaonekana kama kuna vitu vimembadili hivi. Yupo lakini hana ile spidi hayupo fiti katika miguu muda wote. Ikiwa England wanahitaji kushindana katika mashindano haya lazima wawe na mtu ambaye anakubali kujitoa na kupambana muda wote," amesema Roy.
Credit: SALEH JEMBE
Please subscribe to get all sports news instantly
COMMENTS