Rais Samia Atoa Msamaha Kwa Wafungwa 3,826

Rais Samia Suluhu Hassan ametoa msamaha kwa wafungwa 3, 826 ikiwa ni sehemu ya maadhimisho ya miaka 58 ya muungano wa Tanzania. Kwa muj...

Mabalozi Wanaoiwakilisha Jamhuri Ya Muungano Wa Tanzania Nje Ya Nchi Wahimizwa Kuongeza Juhudi Za Kufuta Masoko

Wataalamu wa mazingira wasio waaminifu kudhibitiwa

Kamati Ya Kudumu Ya Sheria Sheria Ndogo Ya Bunge Yakutana Na Viongozi Wa Wizara Ya Habari, Utamaduni, Sanaa Na Michezo

Rais Samia Suluhu Hassan ametoa msamaha kwa wafungwa 3, 826 ikiwa ni sehemu ya maadhimisho ya miaka 58 ya muungano wa Tanzania.

Kwa mujibu wa taarifa iliyotolewa leo Jumanne Aprili 26, 2022 na Waziri wa Mambo ya Ndani ya Nchi, Hamad Masauni imeeleza kuwa msamaha huo unaenda sambamba na masharti mbalimbali ikiwa ni pamoja na wafungwa wote kupunguziwa robo ya vifungo vyao baada ya punguzo la kawaida la moja ya tatu linalotolewa chini ya kifungu cha 48(1) cha Sheria ya Magereza.

“Wafungwa hao sharti wawe wametumikia robo ya vifungo vyao na wawe wameingia gerezani kabla ya Februari 26, 2022 isipokuwa walioorodheshwa katika sharti la 2(1-11),” imeeleza taarifa hiyo.

Pia ametaja wafungwa wengine na masharti ya msamaha huu ni kwa wagonjwa wenye magonjwa ya kudumu uliothibitishwa na jopo la waganga chini ya mwenyekiti mganga mkuu wa mkoa au wilaya na wawe wametumikia robo ya vifungo vyao.

Amewataja wafungwa wazee wenye umri wa miaka 70 au zaidi ambao wametumikia robo ya vifungo vyao na wafungwa wa kike walioingia gerezani wakiwa na watoto wanaonyonya, wasionyonya na wajawazito ambao wametumikia robo ya vifungo vyao.

Wengine waliopata msamaha ni wafungwa waliohukumiwa adhabu ya kifo ambao wamekaa gerezani kuanzia miaka 30 na kuendelea.

Credit: MPEKUZI

Thanks for your time please share with your friends