KOCHA Mkuu wa Arsenal, Mikel Arteta amesema kuwa hawajafurahishwa na matokeo ambayo wameyapata usiku wa kuamkia leo kwenye mchezo wa nusu ...
KOCHA Mkuu wa Arsenal, Mikel Arteta amesema kuwa hawajafurahishwa na matokeo ambayo wameyapata usiku wa kuamkia leo kwenye mchezo wa nusu fainali ya pili ya Europa League baada ya kulazimisha sare ya bila kufungana na Villarreal.
Baada ya ubao wa Uwanja wa Emirates kusoma Arsenal 0-0 Villarreal inawafanya Arsenal kuishia katika hatua ya nusu fainali kwa sababu mchezo wa kwanza walipokuwa ugenini ubao ulisoma Villarreal 2-1 Arsenal.
Arteta amesema kuwa walipambana kusaka matokeo ila haikuwa hivyo kwenye mchezo huo jambo ambalo limewafanya washindwe kutimiza malengo yao.
"Tulikuwa tunahitaji kufanya jambo kwa ajili ya mchezo wetu ili kufika hatua ya fainali ila imeshindikana, wachezaji walikuwa chini, ilikuwa kazi kubwa kwangu.
"Bahati mbaya tumeshindwa, tulikuwa na nafasi za kushinda, kuna nafasi mbili ambazo tumetengeneza ila hatukuweza kufunga, basi hamna namna kwa kuwa hatujapata mabao," amesema.
Credit: SALEH JEMBE
Please subscribe to get all sports news instantly
COMMENTS