AZAM FC YAISHUSHA SIMBA NAFASI YA PILI MPAKA YA TATU

  USHINDI walioupata Azam FC jana mbele ya JKT Tanzania kwenye mchezo wa Ligi Kuu Bara umewashusha Simba nafasi ya pili na kuwapeleka mpa...

 

USHINDI walioupata Azam FC jana mbele ya JKT Tanzania kwenye mchezo wa Ligi Kuu Bara umewashusha Simba nafasi ya pili na kuwapeleka mpaka nafasi ya tatu.

Bao pekee la ushindi kwa Azam FC, Uwanja wa Jamhuri, Dodoma lilipachikwa kimiani na Ayoub Lyanga dakika ya 21 na kuwafanya wenyeji, JKT Tanzania kukubali kuyeyusha pointi tatu mazima.

Azam inayonolewa na Kocha Mkuu, George Lwandamina imefikisha jumla ya pointi 50 baada ya kucheza mechi 26, Simba nafasi ya tatu imekaa baada ya kucheza jumla ya mechi 21 na imekusanya pointi 49.

Lyanga amesema kuwa ni furaha kuona timu inapata ushindi na watazidi kupambana kwa ajili ya mechi zao zijazo ndani ya ligi ili wafanye vizuri. 

Credit: SALEH JEMBE

Please subscribe to get all sports news instantly