Hiki ndicho alichokisema Zlatan juu ya wachezaji wa Chelsea baada ya kutolewa nje kwa kadi nyekundu.

Mshambulizi mahiri wa Paris Saint-Germain Zlatan Ibrahimovic amewakosoa vibaya wachezaji wa Chelsea mara baada ya kumzonga mwamuzi ku...

Mshambulizi mahiri wa Paris Saint-Germain Zlatan Ibrahimovic amewakosoa vibaya wachezaji wa Chelsea mara baada ya kumzonga mwamuzi kupitiliza hali iliyosababisha kupewa kadi nyekundu.

Baada ya tukio hilo kutokea Ibrahimovic amewaita wachezaji wa Chelsea kuwa ni watoto 11 ambao walikuwa wamemzunguka.

Mchezaji huyo raia wa Sweden alitolewa nje mara baada ya kuzawaidiwa kadi nyekundu katika dakika ya 31 baada ya kumchezea madhambi Oscar, huku John Terry, Nemanja Matic na Gary Cahill wakimzonga punde tu baada ya tukio hilo.

Ibrahimovic ameendelea kusema kuwa hakuridhishwa hata kidogo na tabia ambayo waliionyesha wachezaji wa Chelsea.

"Nilipoiona ile kadi nyekundu nikahisi kama  mwamuzi hajui anachokifanya kiukweli, nilihisi pengine aliona kitu tofauti aisee," alisema Zlatan.

"Na kibaya zaidi kilichonisikitisha ni pale nilipoona wachezaji wa Chelsea wamenizunguka hasa baada ya kupewa ile kadi nyekundu, nilihisi kama kuna watoto 11 hivi wamenizunguka, nikaamua kuondoka zangu kwa sababu niliona na mwamuzi pia anakuja.

"Kiukweli sijui kama kweli Oscar aliumia au alikuwa anaigiza, lakini haijalishi, sio mbaya, muhimu ni kwamba tumefanikiwa kushinda mchezo huu, ngoja sasa tuangalie nini kitatokea mbeleni huko."